Omega Care — نظام حجوزات وإدارة لعيادات تخصصية
موقع وبنية إدارية كاملة لعيادات Omega Care التخصصية: حجز مواعيد بدون تسجيل، إدارة أطباء وأسعار وتخصصات، خدمات معمل وسحب عينات، عروض وآراء عملاء، ولوحة تحكم بنظام صلاحيات مخصص لكل مستخدم — مبنية على Firebase مع إعادة تصميم لتقليل استهلاك Firestore بشكل كبير.
التحدي
مجموعة عيادات تخصصية بيها عشرات الأطباء والتخصصات والخدمات، ومحتاجة نظام حجز سهل للمريض من غير ما تجبره يعمل حساب، وفي نفس الوقت لوحة تحكم تقدر تدي كل موظف صلاحية على قد شغله بالظبط — الاستقبال يحجز، محرر المحتوى يعدّل النصوص، بدون ما حد يقدر يوصل لحاجة برّه دوره. وفوق كل ده، كل صفحة كانت بتقرا عشرات الـCollections من Firestore في كل زيارة، وده بيرفع التكلفة والوقت مع كل زائر جديد.
الحل
بنيت نظام حجز كامل بدون حساب — المريض بيختار الطبيب والتخصص والموعد ويحجز على طول، والإدارة توافق أو تدير الحالة من لوحة التحكم. ولحل مشكلة استهلاك Firestore، أعدت بناء طريقة قراءة البيانات بالكامل: بدل ما كل صفحة تحمّل كل الـCollections، الموقع بيعتمد على Public Bundles صغيرة (publicBundles/core، doctors، services) مع Session Cache — فقلّل عدد القراءات من مئات لعدد قليل جدًا لكل صفحة.
- حجز مواعيد بدون حساب، مع قسم مستقل لحجوزات الجلدية والتجميل والليزر.
- إدارة كاملة للأطباء: الصور، التخصصات، الأسعار، والمواعيد — مع كشف ومنع تكرار المواعيد.
- صفحة معمل مستقلة بوحدات التحاليل، وخدمة طلب سحب عينات من المنزل أو العيادة.
- عروض وإعلانات قابلة للتفعيل والإيقاف بفترة زمنية محددة، وآراء عملاء بتقييم نجوم.
- نظام مستخدمين وصلاحيات: Super Admin وقوالب جاهزة (استقبال، محرر محتوى، مدير تشغيل)، محمية على مستوى Firestore Rules مش مجرد إخفاء أزرار.
- نسخة احتياطية قابلة للتنزيل، ودعم كامل للعربي والإنجليزي.
النتيجة: الموقع شغّال فعليًا في عيادات رشيد بمصر، وبيدير الحجز والأطباء والمعمل والعروض من لوحة تحكم واحدة — مع تخفيض كبير موثّق في عدد قراءات Firestore وسرعة تحميل أعلى لكل زائر.
التقنيات
عندك فكرة مشروع؟
خليني أساعدك أحوّلها لمنتج شغال — من أول استشارة الفكرة لحد التسليم والدعم بعده.
تواصل معايا الآن